Croeso i dudalen Blwyddyn 1 a dosbarth Derbyn, Mrs Bethan Williams a Miss T Lloyd.
Ar y dudalen hon, bydd newyddion, gwybodaeth a lluniau o blant prysur y dosbarth yn cael ei rannu.
Yn y dosbarth derbyn bydd y plant yn dysgu trwy chwarae pwrpasol gyda gweithgareddau amrywiol, cyffrous a diddorol pob wythnos. Mae’r plant yn cael cyfle hefyd i ddysgu, ymchwilio a chwarae yn rhydd yn yr ardal awyr agored.
Tymor yma, ein thema ni yw "Fi fy hun." Mi fydd y plant yn dysgu amdanyn nhw eu hunain a chymryd rhan mewn gweithgareddau personol a chymdeithasol.
Ar ôl hanner tymor ein thema yw "Yr Hydref" ac wrth gwrs "Y Nadolig."
Pethau i’w gofio ym Mlwyddyn 1 a Dosbarth Derbyn
Addysg gorfforol - A wnewch chi sicrhau bod eich plentyn gyda crys t gwyn/siorts glas neu du a pumps bach du mewn bag sydd yn cael ei adael yn yr ysgol. A wnewch chi sicrhau bod pob dilledyn wedi ei labelu’n glir gyda'u henw arnynt.
Llyfrau darllen - Bydd bag darllen eich plentyn yn cael ei yrru adref pob dydd dydd a bydd angen eu dychwelyd i’r ysgol yn ddyddiol. Gofynnwn yn garedig i chi ysgrifennu sylw yn y cofnod darllen.
Arian Ffrwyth – Mae’r plant yn derbyn ffrwyth bob bore. Gofynnwn yn garedig i chi dalu £1.00 yr wythnos a’i anfon i’r ysgol mewn amlen wedi ei labelu ar ddechrau pob hanner tymor os gwelwch yn dda.